Skip to main content

Oga police fire himself for head (for obodo oyinbo)

4 comments

Fulani-Herdsman Arraigned For Enugu Because He Dey Carry Automatic Gun

No reason am, fulani wicked o. Some pipul think say dey na muslem, dey like muslem but dir cow be dir god. So if you get farm and their cow dey hungry, dem go drive you away with fear so dir cow go chop. If dir pikin sick and dir cow sick, dem go buy medicine for the cow.
 
Enugu State command of the Nigeria Police Force don arraigned one ‘fulani’, Ibrahim Adamu for one Enugu magistrate’s court. Last month (August 29, 2016), police catch Adamu for Affa, Udi LGA of Enugu State with AK47 riffle and 24 bullets.

Since he no get permission to carry that kind weapon, dey charge am with armed robbery and possession of illegal gun.

Press release from the police talk say de suspect show for Court 1 in Enugu East headed by D.K Ekoh, a chief magistrate grade 1, and after every-every, dem carry am back to prison until he go hear him jail sentence if dem find am guilty.

Comments

Post a Comment

Na aproko mata be this so make una no over reason am. I wan make una know say; I no fit agree with everytin way people go comment, but that no mean say I no go post am.

Popular posts from this blog

Oga police fire himself for head (for obodo oyinbo)

 One oga for police wai dey for Tampa, Florida, shoot himself for head some hours after dem bin quarrel with im wife for one hotel.   The Police Department come release bodycam video wey show the time wey Alfredo "Freddy" Ramirez and im wife dey inside their hotel room and police come approach dem.    Ramirez, wey be the Director of Miami-Dade Police Department, e been get one fight with im wife, and she talk say he get "plenty demons from the job." E survive the shooting but e dey for very bad condition for hospital.  
4 comments
Read more

46 years old man fuq him best friend 7 years old (deaf & dumb) pikin.

Mr. Ifeanyi Atogu   The police for Anambra state don nab one 46 years old animal wai dem dey call; Mr. Ifeanyi Atogu of Ofenta Nsugbe in Anambra East LGA of the state. Dem say Ifeanyi enter him padi 7 years old daughter. For inside a statement wai police release through dir spokesman Haruna Mohammed, the police tok say, may be the suspect for don use wayo draw the small girl, den con do her bad say because she be deaf and dumb , he think say she no body go ever know. So na so he use manipulation 'take-advantage' of him own friend pikin wai be only 7 years old. They rush the girl go hospital where the doctor check and confirm say someone true-true don enter the poor child and spoil ‘that place’. Dis animal wai dem dey call Ifeanyi Atogu don confess with him mouth say true-true him do am but he blame devil. He tok say na devil push am? May be the police should call the devil for questioning as Ifeanyi don place serious allegation against the devil. Even though the man do...
Post a Comment
Read more

Military kill 5 suspected militants as Avengers use style dey beg government

Yeye Everywhere! For the website of Niger Delta Avenegers, dem post one kan yeye message wen no get head or tale title: " NDA IS READY WHEN NIGERIA GOVERNMENT IS READY ". Waitn that mean be say, dem dey use style take beg government say they no want war, make dem talk how everybody go get waitn dey need (justic). Nahim Nigerian Military kon release another yeye report say, while dem dey train for Rivers State for one operation 'Crocodile Smile', say dey kill 5 militants and catch 23 other suspect . But the picture wai dey release no con make sense at all. Em be like say dey nab university cultist con dey claim say na militants. See the mumu weapons military say militants dey carry. May be na psychlogical warfare plus government properganda. This na how real militant weapon look like: Nigeria military and Niger Delta Avengers, una try. Make una stop all the forming sitdown settle.
3 comments
Read more